Ռուսաստանում նոյեմբերի 22-ը Հոգեբանի օրն է

Մարդու հոգեկան առողջությունը ոչ պակաս կարևոր ֆիզիկականից: Հոգեկան առողջությունը, Առողջապահության համաշխարհային կազմակերպության համաձայն, խոսում է բարեկեցության վիճակի մասին, որի դեպքում մարդը կարող է իրացնել իր սեփական պոտենցիալը, հաղթահարել սովորական կենսական սթրեսները, աշխատել արդյունավետ, նաև ներդրում կատարել հասարակության կյանքում:

Ամեն տարի հոկտեմբերի 10-ին նշվում է Հոգեկան առողջության համաշխարհային օրը (World Mental Health Day), որն անց է կացվում է 1992 թ. Հոգեկան առողջության համաշխարհային ֆեդերացիայի կողմից (World Federation for Mental Health) և ուղղված է հասարակայնության  ուշադրությունը հոգեկան առողջության խնդիրների վրա ուղղելուն:

2007 թ. Հոգեկան առողջության համաշխարհային օրվա շրջանակներում առաջին  անգամ անցկացվեց Հոգեբանության օր, որը խոսում է հոգեբանության կարևորության և նկատելի ազդեցության մասին կյանքի տարբեր ոլորտների վրա և այն մասին, որ առանց հոգեբանության անհնար է շատ սոցիալական խնդիրների լուծումը: Վերջին տարիներին հոգեբանությունը վերելք է ապրում և զարգանում է որպես փորձառական բնագիտական կարգ:

Ռուսաստանում, ինչպես շատ այլ երկրներում, դեռևս չկա միասնական, պետական մակարդակով հաստատված Հոգեբանի օր: Այնուամենայնիվ, Հոգեբանության օրը ինքնավար նշում են որոշ կազմակերպություններ և համալսարաններ: Համալսարանների շարքում են Ռուսասատանի առաջավոր կրթական հաստատությունները՝ Պետական Բժշկական Համալսարանն ու  Սանկտ-Պետերբուրգի Պետական համալսարանը, որոնք նշում են Հոգեբանի օրը ամեն տարի նոյեմբերի 22-ին: Այդ օրը բացվել են հոգեբանության ֆակուլտետները:

1994 թ. նոյեմբերի 22-ին Մոսկվայում տեղի ունեցավ Ռուսաստանի հոգեբանական միության սահմանադիր համագումարը, իսկ 2000 թ. նոյեմբերի 22-ից Մոսկվայում ոչ պաշտոնական նշվում է  Հոգեբանի օրը: Օրվա միջոցառումների հիմնական նախաձեռնողի դերում հանդես է գալիս Մոսկվայի համալսարանը:

Տոնի միջոցառումների հիմնական նպատակը հերթական անգամ մարդկանց հիշեցնելն է հոգեբանի մասնագիտության կարևորության մասին, իսկ իշխանություններին այն մասին, որ հոգեբանության ոլորտը կարիք ունի ակտիվ ֆինանսավորման, քանի որ հոգեբանների ծառայությունները անհրաժեշտ են երկրի շատ քաղաքացիների: Հոգեբանի օրը անց են կացվում դասախոսություններ, խորհրդակցություններ և սեմինարներ՝ նվիրված հոգեբաններին և հոգեբանությանը ընդհանրապես:

Ամեն տարի նոյեմբերի 23-ին Ուկրաինայում նշվում է Հոգեբանի համաուկրաինական օրը:

Հարցեր, պատասխաններ, մեկնաբանություններ